«Արդարություն և զարգացում» կուկսակցության իշխանության գալուց հետո, Թուրքիայում կենսապայմանները հասել են վատթարագույն վիճակին: Երկրում գրանցվել է վերջին երկու տասնամյակների ընթացքում գնաճի ամենաբարձր մակարդակը՝  69.97 տոկոս: Տնտեսական իրավիճակն ավելի է բարդացրել կենսապայմաննեը: Հացը թանկացել է 3 անգամ և որոշ քաղաքներում երկար հերթեր են գոյանում՝ ավելի էժան հաց գնելու համար:

Տնտեսական ճգնաժամի ֆոնին, քաղաքացիները դժվարանում են վճարել նաև սպառած գազի, էլեկյտրաէներգիայի և հեռախոսակապի վճարները:

Միանալով ժողովրդի մեծամասնությանն, ընդդիմության առաջնորդ Քեմալ Քըլչդարօղլուն հայտարարել է, որ հրաժարվում է վճարել կոմունալ ծախսերի դիմաց: Կասկած չկա, որ ընդդիմության առաջնորդի այս քայլը լոկ քարոզչական բնույթ է կրում և նպատակ ունի ավելի շատ ձայներ շահել: Սակայն դա նաև վկայում է, որ երկրում տնտեսական ճգնաժամը շատ ավելի խորն է, քան մեկ տարի առաջ: Կոմունալ ծախսերն այս պահին կազմում են բնակչության եկամտի 20-30 տոկոսը և շատերի համար դժվար է վճարել դրանք: Եվ այս իրավիճակը գրանցվում է այն պայմաններում, երբ Սև ու Միջերկրական ծովերում գազի պաշարների հայտնաբերման վերաբերյալ կառավարոթյայն հայտարարությունները վերածվել են քարոզչական շուոի: ԶԼՄ-ներում հրապարակված վիճակագրական տվյալներն ապացուցում են, որ Թուրքիայի տնտեսական իրավիճակը բարելավելու, գնաճն ամրապնդելու և  ազգային արժույթի արժեքը բարձրացնելու մասին նախագահ Էրդողանի բոլոր հայտարարություններն անհիմն են եղել: Ազգային արժույթի արժեզրկումը և գնաճը շատ բան են ասում երկրի տնտեսության մասին: Գնաճի պատճառով, բանվոր դասակարգը զրկվում է իր եկամտի մի մասից: 70 տոկոս գնաճը նշանակում է, որ լիրայով աշխատավարձ ստացող քաղաքացին  կորցնում է իր եկամտի 70 տոկոսը: Միևնույն ժամանակ, բանկային համակարգին կառավարության թելադրած պայմանների պատճառով, կանխատեսվում է նաև բանկային ոլորտի ճգնաժամ:

Անցած մեկ շ՛աբաթվա ընթացքում, տարբեր քաղաքներում տեղի են ունեցել լայնածավալ բողոքի ցույցեր: Բացի այդ, ԶԼՄ-ներն, այդ թվում նաև իշխանական լրատվամիջոցներն անդրադարձել են գնաճին ու տնտեսական խորացող ճգնաժամին: Թուրքերին մտահոգում է նաև այն հանգամանքը, որ Ուկրաինայի պատերազմից հետո, Թուրքիայի գնաճն ավելի բարձր մակարդակի է հասել և մինչև տարեվբեր նվազելու միտում չունի:

Սակայն չնայած օրեցօր խորացող ճգնաժամին, Թուրքիայի կառավարությունը հրաժարվում է լսել փորձագետների, տնտեսագետների, բանկային համակարգի մասնագետների ու ընդդիմադիրների խորհուրդները: Հետևաբար, քիչ հավանական է, որ կառավարությունը որևէ քայլ կատարի աշխատավարձերի բարձրացման ուղղությամբ:

Ամփոփելով, կարելի է ասել, որ Թուրքիայում գրանցված 70 տոկոսանոց գնաճը և լիրայի արժեզրկումը հանգեցրել են աղքատության մակադրակի բարցրացմանը: Արդյունքում, երկրում տեղի են ունենում բողոքի լայնածավալ ցույցեր: Թուրքական թերթերն ամեն օր անդրադառնում են երկրի տնտեսական ճգնաժամին ու գնաճին: Հետևաբար, այս իրավիճակում հարևան երկրների ներքին գործերին Թուրքիայի կառավարության միջմատությունը և 21-րդ դարում անհասանելի նպատակներն իրականացնելուն ողւղված Էրդողանի ջանքերը, բացի ժողովրդի վրա գործադրվող ճնշումը մեծացնելուց, այլ արդյունք չեն ունենալու:

parstoday.com