parstoday.com-ը հղում անելով Iran Press լրատվական գործակալությանը հաղորդել է,  որ Իրանի ԱԳ նախարարության տնտեսական դիվանագիտության հարցերով տեղակալ Մեհդի Սաֆարին, ընդգծելով մասնավոր ցուցահանդեսների դերը իրանական ընկերությունների ձեռքբերումները, հնարավորություններն ու որակը այլ երկրների շուկաներում ներկայացնելու գործում, ասել է.-«Իրանի և Ղրղզստանի երկրորդ մասնագիտական ցուցահանդեսը, որը նախատեսվում է անցկացնել 2022 թվականի հունիսի 18-21-ը Բիշքեկում, լավ հնարավորություն է իրանական  ընկերությունների համար»։

Սաֆարին նշել է, որ Կենտրոնական Ասիայի երկրների, այդ թվում՝ Ղրղզստանի հետ առևտրատնտեսական հարաբերությունների ամրապնդումն Իրանի ԱԳ նախարարության տնտեսական դիվանագիտության առաջնահերթություններից է:

Իրանական ընկերություններին հրավիրելով մասնակցել Ղրղզստանի ցուցահանդեսին, Սաֆարին ասել է.«Իրանի ԱԳ նախարարությունը և Բիշքեկում Իրանի դեսպանությունը ցուցահանդեսի պատասխանատուների հետ համագործակցելով, ջանքեր են գործադրում ընկերությունների մասնակցությունը հեշտացնելու համար»: