Parstoday-ի հաղորդմամբ Երեքշաբթի օրը, Իրանի համալսարանների ուսանողների հետ հանդիպման ժամանակ, Այաթոլլահ Խամենեին նշել է, որ այս տարի Ղոդսի համաշխարհային օրը տարբերվում է մյուս տարիներից, հավելելով. «Ղոդսի համաշխարհային օրը լավ առիթ է՝ սրտակցություն և համերաշխություն հայտնելու Պաղեստինի ժողովրդին և ոգեշնչելու նրան»:
Դատապարտելով Պաղեստինի հարցի վերաբերյալ իսլամական երկրների գործողություններն առաջնորդը նշել է. «Իսլամական երկրները շատ վատ են գործում Պաղեստինի հարցի կապակցությամբ: Նրանք պատրաստ չեն անգամ խոսել Պաղեստինի մասին: Իսկ նրանցից ոմանք կարծում են, թե Իսրայելի հետ հարաբերությունները կարգավորելով, կարող են օգնել պաղեստինցիներին: Մինդեռ դա այդպես չէ»:
Առաջնորդն ի նկատի ունի որոշ իսլամական ու արաբական երկրների, որոնք վերջին տարիներին, ԱՄՆ-ի քաղաքականությանը համահունչ, անտեսելով պաղեստինցիների նկատմամբ Սիոնիստական ռեժիմի ոճրագործությունները, կարգավորում են իրենց հարաբերություններն այս ռեժիմի հետ»:
2020 թվականի սեպտեմբեր-դեկտեմբեր ամիսներին՝ չնայած Պաղեստինի ժողովրդի պայքարի նկատմամբ արաբական երկրների պարտավորություններին, Արաբական Միացյալ Էմիրությունները, Բահրեյնը, Սուդանը և Մարոկկոն կարգավորել են հարաբերություններն Իսրայելի ռեժիմի հետ:
Պաղեստինցիների նկատմամբ բռնության երկար պատմություն ունեցող Սիոնիստական ռեժիմը ոչ միայն երբեք չի ձգտել խաղաղ հարաբերությունների, որոնք կբխեին տարածաշրջանի մուսուլման երկրների շահերից և կօգներին տարածաշրջանում մեկուսացումը հաղթահարելու նրանց նպատակի իրականացմանն, այլև օկուպացիայի և բռնության շարունակմամբ, հետամուտ է իսլամական հասարակությունների թուլացման քաղաքականությանը:
Այս տարի, Ղոդսի օրվան ընդառաջ, ռեժիմն ակտիվացրել է պաղեստինցիների դեմ կիրառվող բռնությունները: Երուսաղեմում և Ալ -Աղսա մզկթում սիոնիստ զինվորների հարձակումների հետևանքով, վերջին շաբաթներին զոհվել ու վիրավորվել են հարյուրավոր պաղեստիցնիներ: Սակայն պաղեստինցիների պայքարը և ռեժիմի հետ որոշ երկրների հարաբերությունների կարգավորման գործընթացի ձախողումն ապացուցեցին, որ պաղեստինցիների դիմադրությունը թուլացնելու և նրանց հուսահատեցնելու ԱՄՆ-ի և Սիոնիստական ռեժիմի դավադրությունները ձախողվել են:
Պատմական փորձը պաղեստինցիներին սովորեցրել է, որ իրենց նպատակին հասնելու համար, պետք է պայքարեն սիոնսիտների դեմ:
ՀԱՄԱՍ-ի քաղաքական բյուրոյի ղեկավար Իսմայիլ Հանիեն ասել է. «Պաղեստինն այսօր կանգնած է ընտրության առջև՝ ընդունել Ալ-Աղսա մզկիթի հրեականացումը, կամ՝ դիմակայել Սիոնիստական ռեժիմին: Պաղեստինի ժողովուրդն ու Դիմադրության խմբերն ընտրել են երկրորդ տարբերակը»:
Այս իրավիճակում, ռամազան ամսվա վերջին ուրբաթ օրն անցկացվող Ղոդսի համաշխարհային օրը ևս մեկ հնարավորություն է՝ հայտարարել պաղեստինի գհաղափարների հետ աշխարհի մուսուլմանների և ազատամիտների համերաշության մասին և դատապարտել ԱՄՆ-ի աջակցությամբ ու որոշ արաբական երկրների լռության պայմաններում Սիոնիստական ռեժիմի կողմից իրականացվող բռնությունները և մուսուլմանական սրբավայրերի պղծումը:
Անդրադառնալով տարածաշրջանում և բռնագրավված տարածքներում տեղի ունեցող վերջին իրադարձություններին և նշելով, որ Ղոսի օրն այս տարի տարբերվում է մյուս տարիներից, ԻԻՀ առաջնորդն ասել է. «Հուսով եմ, Աստծու կամոք, Պաղեստինի հարցը կունենա երջանիկ ավարտ և պաղեստինցիներն իրենց տիրապետությունը կհաստատեն սեփական հողի ու Ալ-Աղսա մզկիթի նկատմամբ»: