ԻՀՊԿ-ի ռազմածովային ուժերի հրամանատար. Իրանի դեմ ուղղված ցանկացած սպառնալիք կարժանանա կոշտ պատասխանի
Իրանի Իսլամական հեղափոխության պահապանների կորպուսի ռազմածովային ուժերի հրամանատարն ընդգծել է.«Իսլամական Հանրապետության սուրբ համակարգի ռեսուրսների ու շահերի դեմ ուղղված ցանկացած սպառնալիք կարժանանա անզիջում և կոշտ պատասխանի»:
Parstoday-ի հաղորդմամբ Ծովակալ Ալիռեզա Թանգսիրին ասել է.«Այսօր Իսլամական հեղափոխության պահապանների կորպուսի նավատորմը վերահսկում է թշնամիների և օտարերկրացիների բոլոր շարժումները՝ Պարսից ծոցում, Հորմուզի նեղուցում և հարավային և հյուսիսային ափերում»:
Ծովակալ Թանգսիրին ասել է.«Վերջին տարիներին Իրանի Իսլամական Հանրապետության բանակի ռազմածովային ուժերը և Իսլամական հեղափոխության պահապանների կորպուսը ուժեղ և արդյունավետ ներկայություն են ունեցել ազատ ջրերում»:
ԻՀՊԿ-ի ռազմածովային ուժերի հրամանատարն ասել է.«Տարածքը պաշտպանելու համար, բացի տարբեր զինատեսակներով հագեցած նավերից, թշնամու մակերևութային, օդային և ռազմածովային ստորաբաժանումների հետ բախվելու համար, ափին տեղակայված հականավային առաքելություններով հրթիռային ստորաբաժանումները նույնպես պետք է ընդլայնվեն անհրաժեշտության դեպքում դերակատարում ունենալու համար»:
Նմանատիպ Լուրեր
