Իրանը էլեկտրաէներգիա է ներկրելու Հայաստանից
Մոստաֆա Ռաջաբի Մաշհադին ասել է.«Էլեկտրաէներգիա ներկրելու մասին պայմանագրեր ենք կնքել Հայաստանի և Թուրքմենստանի հետ: Շուտով Ադրբեջանից նույնպես էլեկտրաէներգիա կներկրենք: Այսպիսով ընդհանուր առմամբ մենք կարող ենք ներկրել մոտ 500-ից 600 մեգավատ էլեկտրաէներգիա։
parstoday.com-ի հաղորդման համաձայն, Իրանի էլեկտրական ցանցերի կառավարման ընկերության գործադիր տնօրենը հավելել է.«Լուրջ ծրագրեր են մշակվել առկա էլեկտրակայանների արտադրության ծավալն ավելացնելու, ինչպես նաև նոր էլեկտրակայաններ կառուցելու համար»։
Գիտելիքահենք ընկերությունների՝ Իրանի էլեկտրաէներգիայի արդյունաբերության ոլորտ մուտք գործելու վերաբերյալ Ռաջաբի Մաշհադին ասել է.«Վերջին տարիներին պատժամիջոցների առումով երկրի պայմանները հաշվի առնելով, կարելի է ասել,որ հենց այս գիտելիքահենք ընկերություններն են մեզ հնարավորություն տվել առաջընթաց արձանագրել էլեկտրաէներգիայի արդյունաբերության տարբեր ոլորտներում»: