parstoday.com-ի հաղոռդման համաձայն, Այաթոլլահ Խամենեին ասել է.«Նոռուզը միախառնված է աղոթքով և հոգևորության հետ. Թերեւս ազգերի մեջ հազվագյուտ խնդիր է նոր տարվա ազգային տոնը կապել աղոթքի ու հոգևորության հետ: Հույսն է բոլոր շարժումների և առաջընթացի աղբյուրը, և թող Աստված հույս տա Իրանի ժողովրդին և թող թշնամիները զայրանան Իրանի ժողովրդի հույսի վրա»: Մեծարգո առաջնորդն ասել է.«Տնտեսության մեջ հիմնական խնդիրը ազգային արտադրությունն է, և այս հարցը կարևորվել է վերջին երեք-չորս տարիներին, հատկապես տարվա կարգախոսում, և պաշտոնյաներն արել են այնքան, որքան կարողացել են: Բայց այսօր մեր և գործադիր պաշտոնյաների հիմնական խնդիրը երկրի տնտեսությունն է»: Ըստ նույն աղբյուրի Իսլամական հեղափոխության գերագույն առաջնորդն ասել է.«Այն, ինչի մասին մենք խոսում ենք տնտեսագիտության ոլորտում, հիմնականում ուղղված է երկրի պաշտոնյաներին, և լավ է, որ ժողովուրդը գտնվում է տնտեսական խնդիրների և տնտեսական քաղաքականության հանրային դաշտում և աջակցում է պաշտոնյաներին. Իհարկե, ժողովուրդն ինքը պարտավորություններ ունի հատկապես գիտելիքահենք տնտեսագիտության ոլորտում, որը պետք է անեն հատկապես երիտասարդները»: «Իմ այսօրվա խոսքն վերաբերվումէ նրան, որ երկրի տնտեսական գործերը բարեփոխելու համար մենք պետք է վճռականորեն շարժվենք դեպի գիտելիքահենք տնտեսություն»,-ասել է մեծարգո առաջնորդը: Գերապատիվ Այաթոլլահ Խամենեին հավելել է.«Տնտեսության մեջ արդար առաջընթացի հասնելն ու աղքատության ու ֆինանսական տկարության խնդիրը լուծելը հնարավոր է միայն արտադրության ուժեղացմամբ, իսկ եթե հզորացնենք գիտելիքահենք արտադրությունը, այդ մեծ նպատակը կիրականանա»։ Մեծարգո առաջնորդը նշել է.«Ցավոք, գյուղատնտեսության ոլորտը ամենամեծ կախվածությունն ունի ներմուծումից, ինչը պետք է նվազի: Իհարկե դժվար է պայքարել այդ կախվածության դեմ, սակայն դա պետք է արվի»։ Նա նշել է.«Գիտահենք արտադրության և տնտեսության ոլորտում իշխանությունները պետք է աջակցություն ցուցաբերեն և գնեն այդ արտադրանքները և եթե արտադրողներն ունեն կարիքներ, ապահովեն դրանք»: