«ՀՄՀՖ»-ի նախաձեռնությամբ իրականացվեց իրանահայ համայքի առաջին «Լրատվության այլընտրանքային» ծրագիրը
Պատմության ընթացքում տեղի են ունեցել տեղեկատվական հեղափոխություններ․ դրանցից կառանձնացնենք երկուսը, առաջինը մագաղաթից թուղթ անցումն էր, որի գագաթնակետը տպագրության սկզբնավորումն էր 1440-ականներին գերմանացի, գյուտարար Յոհան Գուտենբերգի կողմից, որից ընդամենը մոտ 70 տարի անց՝ 1512 թ․ Վենետիկում հայազգի Հակոբ Մեղապարտը հրատարակեց հայերեն առաջին տպագիր գիրքը։
Թղթի բացարձակ թագավորությունը շարունակվեց մինչև 20-րդ դարի վերջ, երբ տեղի ունեցավ ևս մի մեդիահեղափոխություն՝ թվային տեխնոլոգիաների գյուտը։
Այժմ մենք ապրում ենք մագաղաթից թուղթ անցման շատ նման ժամանակներում, երբ թուղթն աստիճանաբար իր դիրքը հանձնում է համակարգչին, համացանցին ու բջջային հերախոսներին։
Դեռ մի տասնամյակ առաջ ամբողջ աշխարհում ԶԼՄ-ների տեղն ու դերը հանրային հաղորդակցության գործընթացում բոլորովին այլ տեսք ու բովանդակություն ուներ: Այսօր արդեն հայտնի բլոգերի` իր սոցցանցի պատին գրած 2 բառը կարող է ավելի մեծ աղմուկ հանել, քան հանրային հեռուստաընկերությամբ ցուցադրված տեսանյութը: Նոր մեդիան իրենից ներկայացնում է ԶԼՄ-ների այն տեսակները, որոնք առաջ եկան համացանցի մասսայական կիրառմանը զուգընթաց:
Այսօր Ինտերնետը և հեռուստատեսությունը դարձել են հասանելի բջջային հեռախոսի վրա։
Մեդիա-հարաբերությունները ձևավորվում են ինֆորմացիոն փոխշահավետ համագործակցության հողի վրա, որտեղ կազմակերպությունը ԶԼՄ-ին է տրամադրում հանրային նշանակություն կամ հետաքրքրություն ներկայացնող տեղեկություն:
Մարդկային ռեսուրսները և տեղեկատվությունը հանդիսանում են ցանկացած ոլորտում գործող ընկերության հաջողության գրավականը:
)
Ավանդական և այլընտրանքային լրատվամիջոցների կողմից նոր տեղեկատվական տեխնոլոգիաների միջոցով բազմակողմանի և անկանխակալ տեղեկատվության մատչելիությունը մեծացնելու և բարելավելու նպատակով Հայ Մշակութային Հասարակակն Ֆորումի նախաձեռնությամբ իրականացվեց իրանահայ համայքի առաջին «Լրատվության այլընտրանքային» ծրագիրը և հայկական բազմաթիվ կայքերի կողքին արդեն կյանքի է կոչվել՝ իրանահայության մասնագիտացված հասարակական, մշակութային, մարզական, Hayazd.com՝ լրատվական կայքը:
«ՀԱՅԱԶԴ» կայքը նպատակ ունի բացահայտել մեր համայնքի հանրության լրատվական նախասիրությունները, ակնկալիքները լրատվության բովանդակության, լրատվամիջոցների անկախության և համայնքի վստահությունը նրա նկատմամբ:
Քանի որ, ցավոք, իրանահայ իրականության մեջ շատ քիչ են այժմեական ԶԼՄ-ների անկողմնակալ և անկախ ու ողջախոհ միավորներն ու լրատվամիջոցները, որոնք միշտ այսպես թե այնպես միակողմանիորեն սպասարկում են կոնկրետ հոսանքների կամ առանձին խմբերի և իրենց նեղ շահերի միտումներին, ուստի մեր նախաձեռնությունն անկասկած և հավաստիորեն փորձելու է հենվելով արդարության, անկողմնակալության, տրամաբանության և իրատեսական հայացքների վրա, արտահայտել հայկական, համայնքային և մեր երկիր՝ Իրանի պատմամշակութային, քաղաքական և հասարակական իրականության, սոցիալ-մշակութային ընդհանրությունների և տնտեսական կապերի ու հայ-իրանական բարեկամության խորացման ու մերձեցմանն ուղղված նպատակների իրականացման առաքելությամբ։
Անկասկած է, որ մամուլի ծառայության այս առաքելության լայն շրջանակում կարևորություն ենք դարձնելու տարածաշրջանային և միջազգային իրադարձությունների լուսաբանմանը և համաշխարհային գիտատեխնիկական, մշակութային, մարզական և այլ ոլորտներին վերաբերող լուրերի հրապարակման։
«ՀԱՅԱԶԴ»ը որդեգրել է զարգանալու և զարգացնելու «ազդեցիկ» սկզբունքները:
«ՀԱՅԱԶԴ» կայքը խոստանում է հավատարիմ մնալ իր որդեգրած գլխավոր նշանաբանին, այն է՝. «Հայկականորեն ազդել մեր հասարակական կյանքի վրա՝ ցանկացած ոլորտում»: