Իրանահայ մշակութային հասարակական ֆորումի առաքելությունը և տեսլականը
Այսօր աշխարհը, առավել քան երբևէ, միավորված է մեկ ընդհանուր միջավայրում, և գլոբալ ցանցային տեղեկատվական հասարակությունը որքան կենտրոնացված է, այնքան էլ` ապակենտրոնացված, քանզի ցանցի յուրաքանչյուր մասնակից և’ յուրօրինակ կենտրոն է և’ զուգահեռ մակարդակի վրա է գտնվում ցանցի մյուս մասնակիցների նկատմամբ։ Մեզանում լայն տարածում է գտել այն կարծիքը, թե գլոբալիզացիայի արդյունքում ազգային արժեքային համակարգը, որի անքակտելի մասն է մշակույթը, վտանգված է, քանի որ, լինելով փոքրաթիվ ժողովուրդը, ի զորու չէ պահպանելու իր ինքնությունը։ Մեր դեպքում իրանահայության յուրահատուկ վիճակը սակայն, մասնավորապես մշակույթի և հայկական ինքնության պահպանման բնագավառում, ոչ միայն ազդվել է տեղային լեզվից, մշակույթից ու բարքերից, այլև՝ համաշխարհային մակարդակում տիրող օտար և անհարիր վարքերից ու հոսանքներից։
Իր ազգային առանձնահատկությունների, այդ թվում՝ լեզվի, մշակույթի, կրոնի շնորհիվ Հայաստանն ու ընդհանրապես հայությունն ունի աննախադեպ հնարավորություն ոչ միայն պահպանելու, այլև զարգացնելու և տարածելու իր մշակույթը ցանցային տեղեկատվական հասարակության շրջանակներում ինչպես երկրի ներսում, այնպես էլ արտաքին աշխարհում։
Սփյուռքում մշակույթը հիմնականում փոխանցվում է ոչ այնքան համայնքների ու հաստատությունների (դպրոց, եկեղեցի, մշակութային հաստատություններ և այլն), որքան հասարակության փոքր խմբերի` ընտանիքների և միությունների միջոցով։ Ազգային արժեքների ձուլումը, հատկապես սփյուռքում, մեծ վտանգ է ներկայացնում հայկական մշակույթի լսարանի ու այն սպառողների համար։ Որքան նվազում է այդ լսարանը, այնքան բարդանում է հայկական մշակույթը պահպանումը, որից զերծ չե նաև մեր իրանահայ համայնքը։
Իրանահայ հասարակական-մշակութային ֆորումը, Մարիամ Բարեգործական կենտրոնը և նրան կից լրատվական, <<Հայազդ>> կայքը եռակի առաքելություն ունեն` Սովորել, Գործել, Համաստեղծել հանուն մոր համայնքի մշակությանին զարգացմանն և տնտեսական, սացիալական ու կրթական բարգավաճմանը:
-Ստեղծել ու համախմբել առաջադեմ և ստեղծագործ մտածելակերպ ունեցողների սերունդ` բազմապատկելով հայ աշակերտների, մշակութային գործիչների, համալսարանավարտների և արհեստավորների ու էլիտայի թիվը իրանահայ համայնքում և մեր երկիր Իրանում:
-Ստեղծել ենթակառուցվածք, որն ի մի կբերի մեր համայնքի, փորձառությունն ու կապերը` իրականացնելով ծրագրեր, որոնք օգնում են հասարակ և անարդյունավետ համայնքից անցում կատարելու կենսունակ, ստեղծագործ, ակտիվ, ազգային և մշակությաին արժեքների նկատմամբ պատասխանատու սերնդի դաստիարակությանը, ի բարօրություն մեր երկիր Իրանի, հայրենիք՝ Հայաստանի և աշխարհի:
-Կազմակերպել երիտասարդների և մտավորականների ու գործարարների համատեղ աշխատանք` նորարարական մոտեցումների և համաստեղծման միջոցով մեր համայնքի դեմ ուղղված առկա մարտահրավերների հաղթահարմանն ուղղված ծրագրեր իրականացնելու: Զարգացնել անհատի և երիտասարդների մտածելակերպը` միաժամանակ ձևավորելով հավաքական մտածողության մշակույթ:
Հայ Մշակութային Հասարակական ֆորումի երկարաժամկետ տեսլականն է ստեղծել հասարակական մի կառույց, որը կխթանի դրական փոփոխությունների իրականացումը իրանահայ մշակութային, կրթական, գործարար և հասարակական ասպարեզներում` բարձրացնելով հայ երիտասարդների կրթության մակարդակն ու նպատակի գիտակցման աստիճանը:
Հայ Մշակութային Հասարակական ֆորումը պատրաստ է քննարկել իրանահայ համայնքի և Հայաստանի ու Սփյուռքի միջև այլ կառույցների հետ հայանպաստ այլ հաստատությունների և ծրագրերի հետ համագործակցության հնարավորությունները:
ՀՄՀՖ-ը հեռանկարային նախաձեռնություն է, որի հիմքում նախ համայանքային կրթամշակութային և հասարակական զարգացման և այնուհետև Իրան-Հայաստանի քաղաքակրթական և տնտեսական հարաբերությունների ընդլայնման ու խորացման տեսլականն է: Այս նպատակին կարելի է հասնել համեմատաբար կարճ ժամանակահատվածում, քանի որ մենք գործի ենք դնում համայնքի լավագույն մտածողների, կապի և տեղեկատվական տեխնալուգիաների ու սեփական կայքի, ինչպես նաև` ամենից առաջադեմ հայ և իրանցի հասարակական ու հետազոտական խմբերի փորձը:
«Հ.Մ.Հ.Ֆ»-ը մշակում է ծրագրեր, որոնք կապահովեն հասարակության բոլոր շերտերի մասնակցությունն ու ներգրավումը՝ ազգային, համայնքային և հասարակական կյանքում։ «Հ.Մ.Հ.Ֆ»-ը խորհրդակցում և համագործակցում է բոլոր այն իրանահայ հասարակական գործիչների և մասնագետների հետ, որոնք հետաքրքրված են իրանահայության հասարակական կյանքի բովանդակային զարգացմանն ուղղված ջանքերով։