Այաթոլլահ Խամենեին կիրակի օրն  ընդգծելով  մաքուր էներգիայի զարգացման անհրաժեշտությունն ասել է.- «Պետք է լուրջ վերաբերվել ոչ հանածո էներգիայի, ներառյալ՝ միջուկային  էներգիայի զարգացմանը, որի օգտագործումն աշխարհում   և մեր տարածաշրջանի երկրներում ավելանում է: Նաև պետք է զարգացնել  քամու և արևային էներգիան»:

Ծառատունկը համարելով լիովին կրոնական և հեղափոխական շարժում, Այաթոլլահ Խամենեին հավելել է. «Իհարկե, ծառերի պահպանումը շատ կարևոր է»:

Կենդանի բույսը համարելով հոգու խաղաղություն, մարդու մարմնի պահապան և մարդկության համար աստվածատուր ու բազմակողմանի սննդի աղբյուր, ԻԻՀ մեծարգո առաջնորդն ընդգծել է.«Այդ պատճառով անտառների ու շրջակա միջավայրի ու բուսական ծածկույթի ոչնչացումը նշանակում է ազգային շահերի ոչնչացում, իսկ շինարարության նպատակով անտառների մի մասի  ոչնչացումը, բացառությամբ արտակարգ դեպքերի, անշուշտ  վնասում է ժողովրդին»:

Այաթոլլահ Խամենեին այս հարցը համարել է երկրի հիմնարար խնդիրներից մեկը, ասելով.«Շրջակա միջավայրի պահպանության համար պետք է՝ պաշտպանել ժողովուրդների կենսական նշանակության  երկու մեծ հարստությունը համարվող ջուրն ու  հողը, չվատնել դրանք, և իշխանությունները պետք է  ականջալուր լինեն այս ոլորտի մասնագետների խորհուրդներին»։

Մառտի 6-ին ծառատունկի օրվա առիթով, սրբազան պաշտպանության, սրբավայրերի, հրշեջ ծառայության և առողջապահության ոլորտի նահատակների հարազատների և ժողովրդի տարբեր խավերի ներկայացուցիչների ուղեկցությամբ, ԻԻՀ նախագահ Սեյեդ Էբրահիմ Ռայիսին, Թեհրանի արևելյան հատվածում գտնվող Ղուչաք թաղամասում տնկել է նուշի տնկի:

Ծառատնկության արարողությանը զուգահեռ Թեհրան քաղաքի շրջակայքում կանաչ գոտու ստեղծման շրջանակում 1250 հեկտար տարածքում սկսվել է անտառապատման  նախագծի  շահագործումը:

parstoday.com/hy