Իրանն ու Հնդկաստանը զարգացնում են առևտրային հարաբերությունները
Թեհրանում Հնդկաստանի դեսպան Գադամ Դարմանդրան կիրակի օրը Իրանի Հորմոզգան նահանգի խոշորագույն առևտրային նավահանգստի տարբեր հատվածներ կատարած այցի ժամանակ կոչ է արել զարգացնել Իրանի և Հնդկաստանի միջև ծովային առևտուրը։ Անդրադառնալով Իրանի և Հնդկաստանի քաղաքական և առևտրային հարաբերություններին և Բանդար Աբբասի, Չաբահարի և Մումբայ նավահանգստի հարևանությանը, ինչպես նաև տարածաշրջանի ծովային առևտրում Շահիդ Ռաջայի նավահանգստի անփոխարինելի դերին, Հնդկաստանի դեսպանը հայտարարել է. «Մենք վստահ ենք, որ Շահիդ Ռաջայի նավահանգիստն իր ռազմավարական դիրքի շնորհիվ արող է ուժեղացնել միջազգային տարանցումը հյուսիս-հարավ միջանցքի միջև»:
Թեհրանը նույնպես ողջունում է Հնդկաստանի և տարածաշրջանի այլ երկրների հետ բազմակողմ համագործակցությունը զարգացնելուն ուղղված ջանքերը:
Էներգետիկ ոլորտում Հնդկաստանի համար Իրանում ներդրումներ անելու բազմաթիվ հնարավորություններ կան։
Այս առումով Իրանը ողջունում է Հնդկաստանի ներդրումները Հորմոզգան նահանգի Ջասք նավահանգստի էներգետիկ ոլորտում: Հնդկաստանը կարող է նավթի պաշարման ռազմավարական պահեստներ կառուցել Ջասկ նավահանգստում և ապահովել իր էներգետիկ անվտանգությունը՝ նավահանգստից գազի խողովակլաշար կառուցելով և նույնիսկ էներգիայի մատակարարման շղթայում հնարավոր խափանումների դեպքում ապահովելով էներգակիրների անխափան մատակարարումը: Բացի այդ, Հնդկաստանը կարող է նաև նավթաքիմիական գործարանների կառուցման ծրագրեր իրականացնել Իրանի Սիստան և Բելուչիստան նահանգի Չաբահար ազատ առևտրի գոտում՝ անկախ կամ իրանական ընկերությունների հետ համագործակցությամբ։
Հնդկաստանում Իրանի դեսպան Ալի Չեգինին նշել է. «Հնդկաստանում իրանական ապրանքների մեծ պահանջարկի պատճառով, Իրանի և Հնդկաստանի համատեղ արտադրությունը դեպի Հնդկաստան ոչ նավթային ապրանքների արտահանումն ավելացնելու ևս մեկ հնարավորություն է»։
Թեհրանի և Նյու Դելիի նպատակներին հասնելու համար, երկու երկրները պետք է անեն համապատասխան քայլեր: Առևտրի արագացման և ոչ նավթային արտահանումների ծավալն ավելացնելու համար, երկու երկրների միջև պետք է գործեն ուղիղ ավիաչվերթների, այդ կապակցությամբ փաստաթղթերը ստորագրվեն հնարավորինս արագ։ Ներկայումս Իրանի, Հնդկաստանի և Աֆղանստանի միջև եռակողմ համաձայնագրի շրջանակներում հեշտացվել է հնդկական ապրանքների առաքումը Աֆղանստան և Կենտրոնական Ասիայի սահմաններից դուրս գտնվող երկրներ։
Չաբահար նավահանգստի առևտրային և տարանցիկ կարողությունների օգտագործումը կրկնակի կարևորվել է Իրանի և Հնդկաստանի միջև երկարաժամկետ համագործակցության ծրագրով սահմանված ռազմավարական նպատակների շնորհիվ։ Բացի այդ, այս ռազմավարական նավահանգիստը հնարավորություն է տալիս մերձենալ Կենտրոնական և Հարավային Ասիայի երկրների հետ։
Տարածաշրջանային աշխարհատնտեսական և առևտրային կարողությունների առավելագույն օգտագործումը կհանգեցնի տնտեսական աճի և կուժեղացնի տարածաշրջանի երկրների միջև անվտանգության ոլորտում համագործակցությունը: Ուստի այդ համաձայնագրերի կնքումը դարձել է անհրաժեշտություն։
parstoday.com